میں نے رسول اللہ صلی اللہ علیہ وسلم کو غزوہ احزاب ( خندق ) کے موقع پر دیکھا کہ آپ صلی اللہ علیہ وسلم مٹی ( خندق کھودنے کی وجہ سے جو نکلتی تھی ) خود ڈھو رہے تھے ‘ مٹی سے آپ کے پیٹ کی سفیدی چھپ گئی تھی اور یہ شعر کہہ رہے تھے ۔کہ تیرے بغیر ہمیں ہدایت نصیب نہ ہوتی، نہ صدقہ دیا جاتا اور نہ نماز پڑھی جاتی، تو ہمیں سکون عطا فرما اور جب ہم اپنے دشمنوں سے ملیں تو ہمارے قدم جما دے، بیشک یہ لوگ ہم سے بغاوت کر چکے ہیں لیکن اگر وہ ہم پر مصیبت ڈالنے کی کوشش کریں گے تو ہم کبھی پیچھے نہیں ہٹیں گے۔