رسول اللہ صلی اللہ علیہ وسلم نے فرمایا ، جب دو شخصوں نے خریدوفروخت کی تو جب تک وہ دونوں جدا نہ ہو جائیں ، انہیں ( بیع کو توڑ دینے کا ) اختیار باقی رہتا ہے ۔ یہ اس صورت میں کہ دونوں ایک ہی جگہ رہیں ، لیکن اگر ایک نے دوسرے کو پسند کرنے کے لیے کہا اور اس شرط پر بیع ہوئی ، اور دونوں نے بیع کا قطعی فیصلہ کر لیا ، تو بیع اسی وقت منعقد ہو جائے گی ۔ اسی طرح اگر دونوں فریق بیع کے بعد ایک دوسرے سے جدا ہو گئے ، اور بیع سے کسی فریق نے بھی انکار نہیں کیا ، تو بھی بیع لازم ہو جاتی ہے ۔